Իրադարձություններ Հայաստանում
Կայացավ Հայ-ռուսական 5-րդ առողջապահական ամենամյա համաժողովը
Հոկտեմբերի 21-ին «Իզմիրլյան» բժշկական կենտրոնում իր աշխատանքը սկսեց Հայ-ռուսական 5-րդ առողջապահական համաժողովը: Այն կրում է ամենամյա բնույթ` հերթականության սկզբունքով յուրաքանչյուր տարի կազմակերպվելով Հայաստանում և Ռուսաստանում:
ՌԴ ԱՆ նախարարի տեղակալ Տատյանա Սեմյոնովան շնորհակալություն է հայտնել համաժողովի նկատմամբ հայ գործընկերների կողմից ցուցաբերած ակտիվության համար։
«Համատեղ համաժողովն ամեն տարի կայանում է ՌԴ ԱՆ և ՀՀ ԱՆ սերտ համագործակցության արդյունքում։ Ընդ որում՝ ո՛չ միայն առողջապահության կառավարման հարցերով զբաղվող, այլ նաև պրակտիկ բժշկական գործունեություն ծավալող անձանց շնորհիվ։ Այս տարի այն հոբելյանական է։ Եվ, ինչպես ամեն տարի, այս տարի էլ բացառություն չէ, որ մենք նախապես գործընկերներով քննարկել էինք թեմաների շրջանակը, որոնք հրատապ են։ Շրջանակը լայն է։ Ուստի համոզված եմ, որ մեր քննարկումները արդյունավետ կլինեն երկու կողմերի համար»։
Տիկին Սեմյոնովայի խոսքով՝ Հայաստան են ժամանել ՌԴ ԱՆ գլխավոր մասնագետները։ «Այս օրերին Հայաստանում են նաև ոլորտի առաջատար մասնագետները, որոնք զբաղվում են գիտա-կրթական գործունեությամբ, և նրանք պատրաստ են կիսվել իրենց մասնագիտական փորձով»։
Խոսելով համաժողովի ընթացքում քննարկվող թեմաների մասին՝ տիկին Սեմյոնովան ասել է։ «Ծրագիրը բավականին հագեցած է և հետաքրքիր։ Քննարկվող թեմաների շրջանակը լայն է. կենսական վնասներ, հակաբիոտիկների կայունություն, կենսաբժշկություն և այլ թեմաներ։ Ամենակարևորն, այս համաժողովի ընթացքում մասնագետը շփվում է մասնագետի հետ, քննարկում խնդիրներ, ստանում պատասխաններ և եզրահանգումներ անում»։
Տիկին Սեմյոնովայի փոխանցմամբ՝ համաժողովի ընթացքում քննարկում են 2020թ. կայանալիք համաժողովի թեմաները։ «Հաջորդը՝ վեցերորդը կկայանա ՌԴ-ում։ Եվ մենք ուրախ կլինենք տեսնել այդ համաժողովին մեր հայ գործընկերներին», - իր խոսքն ամփոփել է Տ. Սեմյոնովան։
Մասնագիտական գործունեության հավաստագրման կենտրոնի գործառույթներին, ինչպես նաև կրեդիտավորվող միջոցառումներին ներկայացվող պահանջ-պայմաններին էր նվիրված Մասնագիտական գործունեության հավաստագրման ազգային կենտրոնի ղեկավար Սոնա Սարգսյանի զեկույցը։
Ս․ Սարգսյանը նշել է, որ 2015-ից Հայաստանի խորհրդարանը փոփոխություններ է ընդունել «Բնակչության բժշկական օգնության և սպասարկման մասին» օրենքում, որով երկրում ներդրվել է շարունակական մասնագիտական զարգացման (ՇՄԶ) միջազգային պահանջներին համապատասխանող համակարգ, որի համաձայն, բոլոր բուժաշխատողները պետք է անցնեն հավաստագրման գործընթաց։
Աշխատանքը շարունակելու հնարավորություն ունենալու նպատակով բուժաշխատողները պետք 5 տարվա ընթացքում որոշակի քանակությամբ կրեդիտային միավորներ հավաքեն:
Մասնագետի փոխանցմամբ՝ գործում է հետևյալ կարգը. «Ավագ բուժաշխատողները պետք է 220 կրեդիտային միավոր ձեռք բերեն, դեղագետները` 160 միավոր, միջին բուժանձնակազմը` 140 միավոր, դեղագործները` 100 միավոր»:
Ս. Սարգսյանն ընդգծեց, որ տարբերում են կրեդիտների 3 տեսակ:
«Առաջինը՝ տեսական կրեդիտներ։ Տրվում են տեսական գիտելիքների ձեռքբերման համար (մասնակցություն մասնագիտական սեմինարներին, սիմպոզիումներին, գիտաժողովներին և այլն)։
Երկրորդը՝ գործնական կրեդիտներ։ Տրվում են գործնական հմտությունների զարգացման համար (մասնակցություն վարպետաց դասերին եւ աշխատանքային տեղում մասնագիտական կատարելագործման դասընթացներին):
Երրորդը՝ ինքնակրթության- ինքնազարգացման կրեդիտներ։ Տրվում են ինքնակրթության համար (մասնակցություն առցանց և հեռավար դասընթացներին, գիտական աշխատանքների, ատենախոսությունների հրապարակում եւ այլն)»։
Իր խոսքում Ս. Սարգսյանը նշեց նաև, որ Հայաստանում կրեդիտները տրվում են Հայաստանի առողջապահության նախարարության կողմից, ուստի ՇՄԶ միջոցառման կազմակերպիչները պետք է դիմեն նախարարությանը:
«Հավաստագրման Ազգային կենտրոնի միջոցառման ծրագրի գնահատման եւ սահմանված չափորոշիչների համապատասխանության դեպքում միջոցառումը կճանաչվի կրեդիտավորված և մասնակիցներին կշնորհվեն կրեդիտային միավորներ»:
Անդրադառնալով Հայ-ռուսական 5-րդ առողջապահական համաժողովին՝ Ս. Սարգսյանն իր խոսքն այսպես եզրափակեց. «Հայ-ռուսական 5-րդ առողջապահական համաժողովը, որը շարունակաբար իրականացվում է Հայաստանում, կարևոր իրադարձություն է մեզ համար, քանի որ նույն շարունակական մասնագիտական զարգացման ոլորտում Ռուսաստանը ևս իր քայլերն է անում ՇՄԶ կրեդիտային մոդելը ներդնելու հարցում։ Ուստի մենք կարևորում ենք համաժողովի անցկացումը համագործակցային երկարատև նախագծերի ստեղծման և համատեղ աշխատանքների իրականացման առումով։ Որպես հետագա զարգացման ուղղություն տեսնում ենք միասնական էլեկտրոնային հարթակների ստեղծումը, որոնք կարող են հեշտացնել մեր բուժաշխատողների ինքնակրթության գործընթացը։ Հնարավոր կլինի ինքնակրթվել ու նյութեր կարդալ անգամ երեկոյան կամ հանգստի ժամերին։
Խիստ կարևորում ենք լուրջ ապացուցողական հենքով ռուսերեն և անգլերեն տեղեկատվական բազաների հասանելիության ապահովումը մեր բուժաշխատողների համար»։
Կարդացեք նաև
Առողջապահության նախարարությունը «Հայաստան-Արցախ» հիմնադրամի կողմից` որպես մարդասիրական օգնություն, ստացել է Իտալիայի «ԲԻԷՍՓԻ Ֆարմասյութիքալս» դեղագործական...
Առողջապահության նախարարությունը մշակել է կեսարյան հատումների աճի զսպմանն ու նվազեցմանն ուղղված միջոցառումների նոր ծրագիր...
Անցեք ցանկացած ՄՌՏ, ԿՏ, ՈՒՁ, ԷխոՍԳ և Դուպլեքս հետազոտություն սկսած 55,000 դրամից և ստացեք 10% հետվճար...
Սույն թվի սեպտեմբերի 10-ին Երևանում` «Անի Գրանդ» հյուրանոցում, կայընթացավ Սուիցիդների կանխարգելման համաշխարհային օրվան նվիրված Հոգեկան առողջության ազգային...
Կրծքով կերակրման համաշխարհային շաբաթն այս տարի նշվում է 2024 թ. օգոստոսի 1-7-ը, որի շրջանակում ՅՈՒՆԻՍԵՖը, ԱՀԿ-ն և Կրծքով կերակրման գլոբալ դաշինքը...
Ս/թ հուլիսի 12-ին «Վահե Մելիքսեթյան» կրթաբժշկական հիմնադրամի, «Ազգային բժշկական պալատի» և «Հայ-ամերիկյան դեղագետների ասոցացիայի» կողմից կազմակերպվել էր...
«Վահե Մելիքսեթյան» կրթաբժշկական հիմնադրամը, «Ազգային բժշկական պալատը» և «Հայ-ամերիկյան դեղագետների ասոցացիան» ներկայացնում են...
Առողջապահության նախարարությունը հայտարարում է մրցույթ կլինիկական փորձարկումների էթիկայի հանձնաժողովի անդամ ընտրվելու համար...
«Էնդոկրինոլոգիան լաբորատոր ախտորոշման պրիզմայով» միջազգային գիտագործնական կոնֆերանս-ցուցահանդեսի համանախագահներն էին ԵՊԲՀ կլինիկական լաբորատոր ախտորոշման...
Մայիսի 25-ին «Մարգարյան ծննդատուն» ՄՄԱՊԳՀԿ-ն կազմակերպել էր միջազգային գիտաժողով՝ «Կեսարյան հատման արդի հիմնախնդիրները» թեմայով...
Շարունակական մասնագիտական զարգացմանը նպաստելու մեր առաքելությանը համահունչ, ինչպես նաև Հայ օգնության ֆոնդի (ՀՕՖ) աջակցությամբ...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 6-րդ ամիս
- Հղիություն. 2-րդ ամիս
- 4-7 ամսական երեխաների սնուցումը
- Ամուսնական առաջին գիշերը
- Ընկերության մասին
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Հղիություն. 1-ին ամիս
- Դիմակներ` մազերի համար
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Հեշտոցային արտադրության պատճառները. մասնագետի անդրադարձը
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Ուլտրաձայնային դոպլերոգրաֆիա (երկակի (դուպլեքս) անոթների)
- Էկզեմայի տեսակները և բուժումը
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն